Theme Settings
Filtros
.
Oiharte Sagar-Ardoa
4,50 €
BEZ barne
100% Errezil sagarrez egindako sagardo gazi-gozoa.
Deskribapena
Zeraingo Oiharte Sagardotegian ekoiztutako Sagar-Ardoa. Euskal Sagardoa J.D. egiteko erabiltzen diren sagarrekin ekoitzitako sagardoa da honako hau. 100% Errezil sagar barietate bakarrarekin egindako sagardoa. Ahoan, gozotasun eta gazitasunaren arteko oreka nabaria du. 6,5º dituen sagardo gazi-gozoa da. 10-11ºC artean kontsumitzea gomendatzen da.
Sagardotegia Oiharte
XVIII. mendeko baserriaren arima eta xarma dario Oihartek, eta gaur egungo erosotasun guztiak ditu, 2002an eraberritu eta Nekazal Etxea jarri zutenetik. Sagardotegiaren bodega berria, azken teknologiako makinariaz horniturik, Nekazal etxearen ondoan kokaturik dago. Bilbo, Iruña, Donostia eta Gasteiztik gutxi gora-behera distantzia berdintsura kokatuta dago, Goierriko bihotzean, Zerainen. Natura maite dutenek eta Euskal Herriko txokorik ederrenetakoan lasaitasuna bilatzen dutenek etxeko giro epela aurkituko dute Oiharten.
Euskal Sagardoa D.O.
EUSKAL SAGARDOA, %100 bertako sagarra!
Euskadin ekoiztutako sagarrez egina, milaka urtean sortu, hobetu eta gorde diren bertako sagar motak erabilita. Bertakotasunaz gain, kalitatea da Euskal Sagardoaren beste oinarria, Jatorri Deituraren zigilua daramaten sagardo guztiek azterketa fisiko-kimiko eta organoleptiko zehatzak pasa behar baitituzte.
%100 bertako sagarrarekin egindako goi-kalitatezko sagardoa, jatorriak eta ezagutzak ematen duen ziurtasuna eta sektorearen etorkizuneko apustua.
You might also like
100% Errezil sagarrez egindako sagardo gazi-gozoa.